婆婆扶着雨傘，跟丈夫緩緩地走進門診。
「婆婆，有無唔舒適服呀？」我一邊跟她打招呼，一邊看着電腦螢光幕翻查着她的資料。
這是下午的老人科門診。婆婆76歲，有高血壓和糖尿病等常見的內科問題；亦有退化性關節炎，不同關節都有疼痛，一直有在骨科門診跟進。我今天是第一次替婆婆覆診。
「痛囉！你睇吓，個腳踭成日都痛㗎，又腫腫地㗎！」婆婆說時愁眉苦臉。
「除隻鞋等我睇吓。。。」婆婆隨即把鞋除掉，我腑身看看她的腳踝，摸摸它，沒有腫也沒有發炎跡象。
「好彩都無乜嘢。。。原來骨科上次覆診都知喎，仲照咗x光，話有啲退化呀。」我望着電腦對她解釋着。
「係呀？唉！我周身都痛㗎。」婆婆說。
「做唔做物理治療呀？」我問。物理治療對一些痛症有一定作用。
「唔做啦，咁麻煩。我自己落街做吓運動算啦。」很多老友記怕麻煩，又以為物理治療與自己做運動沒有大分別，故此會拒絕我們的轉介。
「咁食住止痛藥，下次覆診骨科要話俾醫生知邊度痛喎。」
突然，婆婆的電話鈴聲響起。。。
「做乜你用呢隻歌做電話鈴聲嘅？咁慘首歌！」你可能無法想像，婆婆竟然用那首經典苦情粵語長片配樂做電話鈴聲，即是什麼可憐天下父母心那些配樂呢！我忍不住這樣問她。
「我係好慘㗎！」想不到婆婆這樣說。
「點解咁講呀？你又行得幾好，老公又陪你覆診，又無乜大病。」我嘗試說服婆婆。
「你唔知啫，我細個好慘㗎，無童年㗎，我諗起都已經覺得自己好慘呀。」婆婆仍然苦着臉。
原來婆婆的童年經歷，一直無法令她釋懷，自覺遭遇悲慘，連電話鈴聲都要選個慘情配樂。
「婆婆，你成日覺得自己慘，就真係會慘㗎啦。你自己都認定自己唔開心，又點會開心呢？」
婆婆聽完我說這番話，望着我略有所思，好像是有一點領會。
是真的，快樂、不快樂，從來是一種主觀的感覺，對自己如是、對別人、對事情的觀感都如是。
與期被舊事困擾，影響着情緒，何不放過自己，盡量珍惜眼前擁有的，享受屬於自己的快樂？
Search